Հաստատվել է ապահովագրավճարի դրույքաչափից ավելի կատարված վճարումների վերադարձի դիմումի ներկայացման կարգը

Առողջության համընդհանուր ապահովագրության հիմնադրամի հոգաբարձուների խորհրդի 2026 թվականի փետրվարի 05-ի նիստի N 1 որոշմամբ հաստատվել է ապահովագրավճարի դրույքաչափից ավելի կատարված վճարումները վերադարձնելու նպատակով դիմումի ներկայացման կարգը և դրա օրինակելի ձևը։

Կարգը վերաբերում է օրենքով սահմանված խմբերում ընդգրկված այն անձանց, ովքեր կատարել են ապահովագրավճարի դրույքաչափը գերազանցող վճարում։ Ավել գանձված գումարը քաղաքացուն վերադարձվում է դիմումի հիման վրա՝ Առողջության համընդհանուր ապահովագրության ռեգիստրում տվյալների գրանցումից հետո՝ երեք աշխատանքային օրվա ընթացքում։ Կարգի մանրամասներին կարող եք ծանոթանալ այստեղ։

Դիմումը պետք է լրացնել հիմնադրամի կայքում գործարկված առցանց ձևի միջոցով, որը հասանելի է ստորև։