Թափուր հաստիքներ

Նկարագրություն

Խորվաթիայի Կենտրոնական ֆինանսական և պայմանագրային գործակալությունը (CFCA) հայտարարում է մրցույթ՝ Եվրոպական Միության կողմից ֆինանսավորվող «Աջակցություն Հայաստանում առողջության համընդհանուր ապահովագրության բարեփոխումների իրականացմանը» թվինինգ նախագծում ՝ հետևյալ հաստիքների համար․ 1. Տեղական Թվինինգ Խորհրդատուի օգնական (ՏԹԽ) 2. ՏԹԽ–ի օգնական–թարգմանիչ Նախագիծն իրականացվում է խորվաթական և սլովենական ինստիտուտների կոնսորցիումի կողմից, իսկ վերջնական շահառուն ՀՀ առողջապահության նախարարությունն է։ Ծրագրի նպատակն է ամրապնդել Հայաստանի առողջապահական համակարգի ինստիտուցիոնալ, ֆինանսական և գործառնական կարողությունները՝ առողջության համընդհանուր ապահովագրության բարեփոխումների հետ կապված ընթացակարգերի մշակման, կարողությունների զարգացման, տեղեկատվական տեխնոլոգիաների գործիքների օգտագործման և հաղորդակցման մեխանիզմների միջոցով։ Ծառայությունների մատուցման պայմանագիրը կգործի 2026 թվականի հուլիսի 1-ից մինչև 2028 թվականի հունիսի 30-ը։ Աշխատանքը լրիվ դրույքով է և իրականացվելու է Հայաստանի Հանրապետության առողջապահության նախարարության գրասենյակում (Երևան)։ Թեկնածուն պետք է լինի Հայաստանի Հանրապետության քաղաքացի կամ ունենա Հայաստանի Հանրապետությունում բնակվելու և աշխատելու իրավական թույլտվություն։ Առավելագույն համախառն ամսական աշխատավարձը կազմում է 1,600 եվրո(քննարկման ենթակա չէ)։ Ընտրված թեկնածուն հանդես կգա որպես ինքնազբաղ անկախ խորհրդատու՝ ծառայությունների մատուցման պայմանագրով, և կստանձնի ՀՀ գործող օրենսդրությունից բխող բոլոր հարկերի և պարտավորությունների, այդ թվում՝ բժշկական և սոցիալական ապահովագրության հետ կապված պարտավորությունների լիակատար պատասխանատվությունը։ Ընտրված թեկնածուն չպետք է պայմանագրային հարաբերությունների մեջ եղած լինի ՀՀ պետական կառույցների հետ աշխատանքի ընդունվելուն նախորդող առնվազն վեց (6) ամիսների ընթացքում: Հետաքրքրված թեկնածուներին խնդրում ենք ուղարկել իրենց ինքնակենսագրականը (CV) և ուղեկցող նամակ անգլերենով ՝ mirjana.vila@safu.hr և twinning@safu.hr էլ․ հասցեներին, մինչև 2026 թվականի ապրիլի 24-ը։ Հարցազրույցի կհրավիրվեն միայն նախնական ընտրությունն անցած թեկնածուները։ Հարցազրույցները կանցկացվեն առցանց։ Լրացուցիչ տեղեկությունների համար խնդրում ենք կապվել մեզ հետ վերը նշված էլեկտրոնային հասցեներով։

Աշխատանքային պարտականություններ

• Աջակցության ցուցաբերում RTA-ի ամենօրյա վարչական և համակարգման աշխատանքներին
• Բանավոր թարգմանության ծառայությունների մատուցում RTA-ի և կարճաժամկետ այցով փորձագետների համար
• Ծրագրի հետ կապված նյութերի թարգմանություն հայերենից անգլերեն և հակառակը
• Ըստ անհրաժեշտության աջակցության ցուցաբերում կարճաժամկետ այցով փորձագետներին, ծրագրի ղեկավարին, ծրագրի կրտսեր ղեկավարին և այլ սեգմենտների ղեկավարներին
• Աջակցության ցուցաբերում ընդհանուր կառավարմանը՝ ներառյալ գրասենյակային աշխատանքները և նամակագրությունը
• Ծրագրի համակարգման և կառավարման աջակցություն
• Ծրագրի փաստաթղթերի և ֆինանսական աղյուսակների պատրաստում և խմբագրում
• Աշխատանքային կապերի հաստատում շահառու երկրի պաշտոնյաների և աշխատակազմի, ԵՄ պատվիրակության, ինչպես նաև խորվաթական և սլովենական գործընկերների հետ
• Աջակցություն հանդիպումների, սեմինարների և աշխատաժողովների կազմակերպմանը
• Հանդիպումների օրակարգերի կազմում, արձանագրությունների պատրաստում և խմբագրում
• Իրազեկության բարձրացմանն ուղղված միջոցառումների կազմակերպմանն օժանդակություն, անհրաժեշտ փաստաթղթերի և գովազդային նյութերի պատրաստում, նախագծի վերաբերյալ տեղեկատվության կազմում լայն հանրության կամ թիրախային շահագրգիռ կողմերի համար
• Ուսումնական այցերի կազմակերպում Խորվաթիա և Սլովենիա, ներառյալ լոգիստիկան և մասնակիցների ուղեկցումն ու աջակցությունը՝ անհրաժեշտության դեպքում)
• Ճամփորդությունների կազմակերպում և հյուրանոցների ամրագրում
• Այլ առաջադրանքների կատարում՝ ըստ RTA-ի հանձնարարության

Անհրաժեշտ հմտություններ

• Բարձրագույն կրթություն, ցանկալի է անգլերենով
• Անգլերենի ազատ տիրապետում (բանավոր և գրավոր)
• Հայերենի մայրենի կամ համարժեք մակարդակի իմացություն (բանավոր և գրավոր)
• Համակարգչային գրագիտություն (MS Office, ինտերնետ, էլ. փոստ և այլն)
• Ճկունություն ինչպես ինքնուրույն, այնպես էլ թիմային աշխատանքի մեջ
• Կազմակերպչական, միջանձնային և հաղորդակցման գերազանց հմտություններ
• Ֆինանսների կառավարման գիտելիքներ
• Փաստաթղթերի և հաշվետվությունների պատրաստման գերազանց հմտություններ
• ՑԱՆԿԱԼԻ Է ՝ ԵՄ-ի կողմից ֆինանսավորվող նախագծերում, մասնավորապես՝ թվինինգ նախագծերում աշխատանքային փորձ
• Միջազգային միջավայրում աշխատանքային փորձ
• Հայաստանի պետական հատվածի և/կամ ծրագրի իրականացման ոլորտում հայկական համակարգի իմացություն
• Գրավոր և/կամ բանավոր թարգմանության փորձ հայերենից անգլերեն և հակառակը։
• Առողջապահական կամ իրավական փաստաթղթերի գրավոր և/կամ բանավոր թարգմանության փորձ
• Խորվաթերենի և/կամ սլովեներենի իմացություն

Նկարագրություն

Փնտրում ենք հաշվապահ՝ հաշվապահական գործընթացների ճշգրիտ, արդյունավետ և ժամանակին իրականացման համար։ Հաստիքը ենթադրում է բարձր պատասխանատվություն, մանրուքների նկատմամբ ուշադրություն և թիմային աշխատանք։

Աշխատանքային պարտականություններ

• Վարչատնտեսական ծախսերի, հիմնական միջոցների և ոչ նյութական ակտիվների հաշվառում, ինչպես նաև ապահովագրական գործարքների գրանցում 1C ծրագրում
• Բանկային փոխանցումների իրականացում շահառուներին և մատակարարներին, քաղվածքների ստուգում և օրվա մնացորդների վերահսկում
• Դեբիտորական և կրեդիտորական պարտքերի դասակարգում, վերահսկում և համապատասխան հաշվանցումների իրականացում
• Ապահովագրական պայմանագրերի հաշվառում, ապահովագրավճարների պարտքերի կառավարում և ուղիղ հատուցումների փոխադարձ հաշվարկների ձևակերպում
• Գործակալական միջնորդավճարների և վճարման ներկայացված ապահովագրական հատուցումների գումարների ստուգում
• Հանձնաժողովների նիստերի արձանագրությունների համապատասխանության վերահսկում և վերապահված ընթացիկ հանձնարարությունների կատարում
• Բանկային, հաշիվների և այլ հաշվապահական փաստաթղթերի պահպանություն և արխիվավորում

Անհրաժեշտ հմտություններ

• Բարձրագույն կամ միջնակարգ մասնագիտական կրթություն (հաշվապահություն, ֆինանսներ կամ հարակից ոլորտ)
• 1C հաշվապահական ծրագրով աշխատելու հմտություններ
• Համակարգչային ծրագրերի (MS Office) լավ իմացություն
• Բանավոր և գրավոր հաղորդակցության գերազանց հմտություններ
• Սթրեսակայունություն և թիմում աշխատելու կարողություն
• Միաժամանակ մի քանի առաջադրանք կառավարելու և արագ կողմնորոշվելու ունակություն
• Ժամկետների պահպանման բարձր պատասխանատվություն
• Վերլուծական մտածողություն և մանրուքների նկատմամբ ուշադրություն

Նկարագրություն

Լիազորությունների ժամկետ՝ 5 տարի Ընտրության կարգը՝ մրցութային, ընտրվում է «Առողջության համընդհանուր ապահովագրության մասին» օրենքով նախատեսված մրցութային հանձնաժողովի կողմից։ Հոգաբարձուների խորհրդի անդամը չի համարվում Հիմնադրամում պաշտոն զբաղեցնող անձ, իր պարտականությունները կատարում է առանց վարձատրության՝ հասարակական հիմունքներով։ Որակավորման պահանջներ • Հայաստանի Հանրապետության քաղաքացիություն • Տարիքը՝ 35 տարին լրացած Սահմանափակումներ Հոգաբարձուների խորհրդի անդամ չի կարող ընտրվել անձը, որը՝ • Դատապարտվել է դատարանի օրինական ուժի մեջ մտած դատավճռի հիման վրա, և դատվածությունը սահմանված կարգով հանված կամ մարված չէ․ • Օրենքով սահմանված կարգով ճանաչվել է անգործունակ կամ սահմանափակ գործունակ․ • Արդեն Հիմնադրամում զբաղեցնում է ցանկացած պաշտոն․ • Ունի օրենքով սահմանված այլ սահմանափակում։ Իրավունքները • Առաջարկություններ է ներկայացնում Հոգաբարձուների Խորհրդի նիստերի օրակարգի և քննարկվող հարցերի վերաբերյալ • Կարող է ստանալ տեղեկություններ Հիմնադրամի գործունեությանը վերաբերող ցանկացած հարցի վերաբերյալ • Իրականացնել օրենքով և կանոնադրությամբ նախատեսված այլ իրավունքներ։ Լիազորությունների դադարեցման հիմքեր • Սեփական դիմումի համաձայն․ • Լիազորությունների պատշաճ չկատարելու դեպքում՝ հոգաբարձուների խորհրդի մնացած անդամների ձայների առնվազն 3/4-ով, եթե նման հնարավորություն նախատեսված է հիմնադրամի կանոնադրությամբ. • Լիազորությունների ժամկետի ավարտման դեպքում․ • Դադարել են Հիմնադրամի հոգաբարձուների խորհրդի անդամների ընդհանուր թվի կեսի կամ կեսից ավելիի լիազորությունները. • Դատարանի` օրինական ուժի մեջ մտած վճռով անգործունակ ճանաչվելու դեպքում. • Նրա մահվան դեպքում․ • Օրենսդրությամբ նախատեսված այլ դեպքեր։

Աշխատանքային պարտականություններ

• Մասնակցում է հիմնադրամի բյուջեի և դրա փոփոխությունների, գործունեության հաշվետվություններում ներառվելիք ոչ ֆինանսական գործունեության արդյունքների և Հիմնադրամի գործունեությունը բնութագրող ցուցանիշների, տարեկան ֆինանսական հաշվետվությունների և Հիմնադրամի գործունեության տարեկան հաշվետվությունների հաստատմանը
• Մասնակցում է հիմնադրամի կանոնադրության մեջ փոփոխություններ և լրացումներ կատարելու, նոր խմբագրությամբ կանոնադրություն հաստատելու մասին որոշումների ընդունմանը
• Մասնակցում է հիմնադրամի ֆինանսատնտեսական գործունեության վերահսկմանը
• Մասնակցում է հիմնադրամի որոշումների կատարման ընթացքի վերահսկմանը
• Մասնակցում է հիմնադրամի կառուցվածքի և հաստիքացուցակի հաստատմանը
• Մասնակցում է ՀՀ օրենսդրությամբ նախատեսված Հիմնադրամի ֆինանսական հաշվետվությունների հրապարակմանը և հանրայնացման նկատմամբ վերահսկողությանը
• Մասնակցում է աուդիտ իրականացնող անձի ընտրության արդյունքների հաստատմանը

Անհրաժեշտ հմտություններ

• Ունի առողջապահության կառավարման կամ ֆինանսների բնագավառներում Հայաստանի Հանրապետության օրենսդրության պահանջներին համապատասխան բարձրագույն կրթություն
• Ունի առողջապահության կառավարման կամ ֆինանսների բնագավառներում մասնագիտական աշխատանքի առնվազն տասը տարվա ստաժ, հարգանք է վայելում հասարակության շրջանում և ունի անբասիր գործարար համբավ
• Բավարարում է Հիմնադրամի կանոնադրությամբ սահմանված այլ պահանջներին

Նկարագրություն

Լիազորությունների ժամկետ՝ 5 տարի (կարող է վերընտրվել նույն ժամկետով, բայց ոչ ավելի, քան մեկ անգամ)։ Ընտրության կարգը՝ մրցութային, ընտրվում է «Առողջության համընդհանուր ապահովագրության մասին» օրենքով նախատեսված մրցութային հանձնաժողովի կողմից։ Ընդհանուր տեղեկություններ՝ իրականացնում է Հիմնադրամի ընթացիկ գործունեության ղեկավարում։ Ենթակայություն՝ հաշվետու է Հոգաբարձուների խորհրդին։ Որակավորման պահանջներ` • Հայաստանի Հանրապետության քաղաքացիություն • Տարիքը՝ 35 տարին լրացած Անհամատեղելիության պայմաններ • Չի կարող պաշտոն զբաղեցնել պետական կամ տեղական ինքնակառավարման մարմիններում․ • Չի կարող որևէ պաշտոն զբաղեցնել առևտրային կազմակերպություններում․ • Չի կարող զբաղվել ձեռնարկատիրական գործունեությամբ․Չի կարող կատարել վճարովի այլ աշխատանք (բացի գիտական, կրթական և ստեղծագործական աշխատանքից)։ Լիազորությունների դադարեցման հիմքեր • Սեփական դիմումի համաձայն • Այլ պաշտոնում ընտրվելու կամ անհամատեղելի աշխատանքի անցնելու դեպքում • Երկարատև անաշխատունակություն (ավելի քան 6 ամիս անընդմեջ կամ վերջին տասներկու ամսվա ընթացքում 180 օր՝ 12 ամսվա ընթացքում՝ չհաշված հղիության և ծննդաբերության արձակուրդի օրերը) • Ավելի քան 3 օր անընդմեջ անհարգելի պատճառներով բացակայություն • Օրենքի պահանջների խախտմամբ նշանակվելու փաստի հայտնաբերում • Դատապարտվել է դատարանի՝ օրինական ուժի մեջ մտած դատավճռի հիման վրա, և դատվածությունը սահմանված կարգով հանված կամ մարված չէ․ • Դատարանի՝ օրինական ուժի մեջ մտած վճռով ճանաչվել է անգործունակ կամ սահմանափակ գործունակ կամ անհայտ բացակայող, ունի օրենքով սահմանված այլ սահմանափակում․ • Մեղադրական դատավճռի օրինական ուժի մեջ մտնելը • Օրենքով նախատեսված այլ հանգամանք

Աշխատանքային պարտականություններ

• Տնօրինում է Հիմնադրամի գույքի այդ թվում՝ ֆինանսական միջոցները, գործարքներ է կնքում Հիմնադրամի անունից, այդ թվում հօգուտ ապահովագրված անձանց պայմանագրերը
• Ներկայացնում է Հիմնադրամը Հայաստանի Հանրապետությունում և օտարերկրյա պետություններում
• Սահմանված կարգով կնքում է պայմանագրեր, այդ թվում` աշխատանքային
• Հոգաբարձուների խորհրդին է ներկայացնում Հիմնադրամի բյուջեի պահուստային ֆոնդի չափի և դրա կառավարման արդյունքների վերաբերյալ զեկույցը
• Իր իրավասության սահմաններում արձակում է հրամաններ, հրահանգներ, կատարման համար տալիս է պարտադիր ցուցումներ և վերահսկում դրանց կատարումը
• Սահմանված կարգով աշխատանքի է ընդունում և աշխատանքից ազատում է Հիմնադրամի աշխատողներին, նրանց նկատմամբ կիրառում է խրախուսանքի և կարգապահական պատասխանատվության միջոցներ

Անհրաժեշտ հմտություններ

• Բարձրագույն կրթություն՝ «Հաշվապահություն և հարկային գործ» կամ «Ֆինանսներ» մասնագիտություններով տնտեսագիտության մագիստրոսի կամ «Կառավարում» կամ «Շուկայագիտություն» մասնագիտություններով կառավարման մագիստրոսի կամ «Բիզնես վարչարարություն» մասնագիտությունով տնտեսագիտության մագիստրոսի՝ Հայաստանի Հանրապետության օրենսդրությանը համապատասխանող որակավորում
• Ապահովագրության կամ ֆինանսների կամ առողջապահության կառավարման ոլորտում առնվազն 10 տարվա աշխատանքային ստաժ
• Կանոնադրությամբ սահմանված մասնագիտական համապատասխանության և որակավորման պահանջների բավարարում

Աշխատանքային պարտականություններ

• Աշխատանքային գործընթացների վերլուծություն և բարելավում
• Մեթոդական ուղեցույցների, հրահանգների և կանոնակարգերի մշակում
• Նոր մեթոդների ներդրում և դրանց վերաբերյալ անձնակազմի ուսուցում
• Աշխատանքի արդյունավետության գնահատման չափանիշների սահմանում
• Իրավական և ներքին նորմատիվներին համապատասխանության ապահովում
• Տվյալների վերլուծություն և ալգորիթմների կազմում (կախված ոլորտից)

Անհրաժեշտ հմտություններ

• Բարձրագույն կրթություն
• Մասնագիտական աշխատանքային փորձ՝ առնվազն մեկ տարի
• Համակարգչային ծրագրերի (Word, Excel, Power Point) հմուտ կիրառման գիտելիքներ
• Փաստաթղթավորման և մեթոդաբանության մշակման փորձ
• Գործընթացների օպտիմալացման հմտություններ
• Հաղորդակցման և ուսուցանելու կարողություն, վերլուծական մտածողություն

Նկարագրություն

Փնտրում ենք Կոմունիկացիոն կենտրոնի օպերատոր՝ մեր պրոֆեսիոնալ թիմին միանալու և հաճախորդների սպասարկման բարձր մակարդակ ապահովելու համար։ Հաստիքը ենթադրում է պատասխանատու մոտեցում, արդյունավետ հաղորդակցում և ներքին ընթացակարգերի խիստ պահպանում։

Աշխատանքային պարտականություններ

• Մուտքային զանգերի ընդունում և հաճախորդների հարցերի ճշգրիտ ու ժամանակին սպասարկում
• Կատարել ելքային զանգեր՝ ապահովագրական ծառայությունների վերաբերյալ տեղեկատվություն տրամադրելու և կապը հաճախորդների ու գործընկերների հետ պահպանելու նպատակով
• Ապահովագրական ծառայությունների և պայմանների վերաբերյալ տեղեկատվության տրամադրում
• Հաճախորդների դիմումների, հարցերի և բողոքների գրանցում համակարգում
• Հաճախորդների զանգերի ուղղորդում համապատասխան մասնագետներին
• Ներքին ընթացակարգերի և ծառայությունների որակի ստանդարտների պահպանում
• Մասնակցել ներքին ուսուցումներին և ինքնազարգացման ծրագրերին

Անհրաժեշտ հմտություններ

• Բարձրագույն կամ միջնակարգ մասնագիտական կրթություն
• Հայերենի գերազանց իմացություն (ռուսերենի և անգլերենի իմացությունը կդիտվի որպես առավելություն)
• Համակարգչային ծրագրերի (MS Office, CRM համակարգեր) հիմնական գիտելիքներ
• Բանավոր և գրավոր հաղորդակցության գերազանց հմտություններ
• Սթրեսակայունություն և պատասխանատվության բարձր մակարդակ
• Աշխատանքային փորձ Կոմունիկացիոն կենտրոնում կամ հաճախորդների սպասարկման ոլորտում կդիտվի որպես առավելություն
• Թիմում աշխատելու և արագ կողմնորոշվելու կարողություն